| მთავარი » ფაილები » სელებრითები |
Miranda Kerr Not Leaving Victoria’s Secret
| 2013-04-14, 8:49 PM | |
 Miranda Kerr Not Leaving Victoria’s Secret ცნობილი ავსტრალიელი სუპერმოდელი, მირანდა კერი უკვე რამოდენიმე წელია ქალის თეთრეულისა და ტანსაცმლის მწარმოებელი ამერიკული კომპანიის, Victoria's Secret-ის ანგელოზია და წარმატებით აგრძელებს მოღვაწეობას მოდის ინდუსტრიაში. ის ერთ–ერთი ყველაზე პოპულარული და მოთხოვნადი მოდელია. 2011 წელს სწორედ მირანდამ მოირგო ვიქტორია სიკრეტის 2,5 მილიონად ღირებული ბიუსჰალტერი. სულ ცოტა ხნის წინ კი, ამერიკელ პრესაში გავრცელდა ხმები, რომ მირანდა კერიმ ვიქტორია სიკრეტთან ერთ მილიონიანი (£652,000) კონტრაქტი გაწყვიტა. ჭორები მოდელის ბრენდიდან წასვლის შესახებ ამერიკული ჟურნალის, US Weekly–ის სტატიამ განამტკიცა, რომელიც წერდა, რომ მირანდა კერი აღარ იმუშავებდა ალესანდრა ამბროსიოს, ადრიანა ლიმას, ქენდის სვეინპოლის და სხვა ცნობილი მოდელების გვერდით, რადგან მასთან მუშაობა რთული იყო, ხშირად აგვიანებდა გადაღებებზე და რომ სხვა მოდელებისგან განსხვავებით, მირანდამ ვერ შეძლო დიდი რაოდენობით გაეყიდა კომპანიის მიერ წარმოებული საქონელი: "მირანდამ ვერ შეძლო ბრენდისთვის დიდი შემოსავლის მოტანა."– წერს ჟურნალი.  ეს ჭორები უმალვე უარყო ვიქტორია სიკრეტის მარკეტინგის მენეჯერმა, Ed Razek–მა და განაცხადა, რომ მას მშვენივრად ესმის თუ რა ვალდებულებები ეკისრება მირანდას საკუთარი ოჯახისადმი. "მირანდა კერი არის ერთ–ერთი საუკეთესო და პოპულარული მოდელი მოდის ისტორიაში. გავრცელებული ჭორები, მირანდას ვიქტორია სიკრეტიდან წასვლის შესახებ უბრალოდ ტყუილია. ჩვენ არ გვსურს შევწყვიტოთ თანამშრომლობა მასთან. ფაქტობრივად, მე უკვე გავუგზავნე მას მოწვევა Victoria's Secret Fashion Show-ზე გამოსასვლელად, რაზეც ის უკვე დაგვთანხმდა." - განაცხადა Ed Razek–მა. ასე, რომ მირანდა კერი კვლავ რჩება ბრენდის ერთ-ერთ მნიშვნელოვან სახედ და სავარაუდოდ სულ მალე წარადგენს Victoria's Secret-ის ახალ კატალოგს. გადავხედოთ მირანდა კერის ლუქებს Victoria's Secret Fashion Show-ზე 2006-დან 2012-წლამდე. 2006  2007  2008  2009  2011  2012  | |
| კატეგორია: სელებრითები | | | |
| ნანახია: 463 | რამოტვირთვები: 0 | |
| სულ კომენტარები: 0 | |